Lypnin në rrugë bashkë me fëmijët e mitur, procedohen penalisht dy qytetare

Dy gra të moshave 64 dhe 24 vjeçe në Shkodër do të procedohen penalisht për veprën “Keqtrajtim i të miturit”.

Ato qëndronin në mes të akseve rrugore për të lypur bashkë me dy fëmijë 1 dhe 5 vjeç, dhe rrezikonin jetën e tyre, të fëmijëve dhe pengimin e qarkullimit.

“Specialistët për Hetimin e Krimeve të DVP Shkodër, gjatë patrullimeve të vazhdueshme në të gjithë territorin e qarkut, me qëllim garantimin e rendit dhe sigurisë publike, kanë konstatuar se në 2 raste, të mitur dhe foshnje, shfrytëzoheshin nga të afërm të tyre, për të lypur, dhe se duke e kryer këtë veprimtari të kundërligjshme në mes të akseve rrugore, ishin burim rreziku.

Për këto 2 raste, janë referuar materialet procedurale në Prokurori, për veprime të mëtejshme, për veprën penale “Keqtrajtimi i të miturit”, për shtetaset D. J., 64 vjeçe dhe L. J., 20 vjeçe, të cilat u konstatuan në mes të rrugës, në afërsi të urës së Bahçallëkut, teksa lypnin përkatësisht me nipin dhe me fëmijën, 5 dhe 1 vjeç.

Kontrollet kundër kësaj paligjshmërie, do të vijojnë,”-thuhet në njoftimin e policisë.

LEXONI GJITHASHTU:

• Goditi me sende të forta në kokë një person në Korçë, kapet 18-vjeçari
• Presidentja e Sllovakisë shkarkon kreun e shërbimit të kundërzbulimit