U largua nga Italia, Mançini drejt Arabisë Saudite. Kontratë 30 milionë € në vit

Pak ditë pasi i dha fund rrugëtimit në krye të kombëtares së axurrëve, nuk kanë munguar ofertat në drejtim të trajnerit Roberto Mancini. 58-vjecari pritet të jetë i radhës që do t’i bashkohet Arabisë Saudite, por këtë herë jo skuadrave që janë pjesë e kampionatit, por kombëtares. Mediat italiane kanë pohuar se drejt Mancinit ka një ofertë serioze nga federata arabe e futbollit, ku i është ofruar një kontratë 3-vjecare.

Përfitimet e italianit do të jenë të larta, konkretisht 30 milionë euro në sezon, ndërsa janë vendosur disa objektiva. Edhe pse asgjë nuk është bërë zyrtare, synimi kryesor është fitimi i kupës së Azisë, me kompeticionin i cili do të nisë në vitin 2024. Tekniku i njohur në Evropë, ka udhëtuar përgjatë orëve të fundit drejt Arabisë Saudite i shoqëruar nga bashkëshortja e tij avokate, ndërsa kanë analizuar kushtet e vendosura.

Në rast se Roberto Mancini do të pranojë ofertën, ai do të marrë me vete stafin me të cilin punonte tek kombëtarja e Italisë. Kujtojmë se pak ditë më parë dha dorëheqjen nga kombëtarja e trikolorëve, ndërsa, shkak u bë krisja e marrëdhënies me presidentin e federatës së futbollit, Gravina. Sa i përket Arabisë Saudite, ndër trofetë madhorë që ka fituar është kupa e Azisë në 3 edicione, ndërsa edhe me ardhjen e Mançinit, mbetet një objektiv madhor, për tu pasur me kualifikimin në kupën e botës.

LEXONI GJITHASHTU:

• “Jam i ofenduar”- Garvina flet pas largimit të Mançinit: Duhet të më shihte në sy
• Sherri që solli dorëheqjen, flet për herë të parë Mançini pas largimit nga “axurrët”
• Roberto Mancini largohet nga Italia, “të kaltrit” në kërkim të trajnerit të ri