Tjetër finale për Messin, Inter Miami mposht Cincinnat, argjentinasi dhuron 2 asiste

Messi po kalon një periudhë të jashtëzakonshme në SHBA, me skuadrën e Inter Miamit e cila po regjistron fitore të njëpasnjëshme. Në harkun kohor të 1o ditëve, skuadra në të cilën aktivizohet argjentinasi ka mbërritur në një tjetër finale, atë të US Open.

Inter Miami arriti të mposhte në gjysmëfinale të kompeticionit Cincinnatin, ndërsa gjithçka u vendos pas gjuajtjes së 11 metërshave. Fraksioni i parë do të mbyllej me avantazhin e vendësve, të cilët dyfishuan në pjesën e dytë. Dygolëshi i Campanas dërgoi sfidën në shtesë, aty ku sërish të dyja ekipet shënuan nga një gol.

Në goditjen e 11 metërshave, 5 lojtarët e Miamit arritën të shënojnë, ndërsa në anën tjetër gaboi Hagglund. Kështu, Inter Miami avancon në finalen e kompeticionit aty ku do të përballet me Houston Dynamo. Këta të fundit mposht Real Salt Lake në sfidën që zgjati për 120 minuta. Finalja luhet më 27 gusht, e në rast fitore, ky do të ishte trofeu i dytë në pak ditë për Messin e shokët e skuadrës, që prej kalimit të argjentinasit në SHBA.

LEXONI GJITHASHTU:

• Inter Miami fiton Kupën e Ligës, Lionel Messi vendos rekord
• Lojtari më i mirë i sezonit/ UEFA publikon të nominuarit, mes tyre s’mungon as Messi