Lojtari më i mirë i sezonit/ UEFA publikon të nominuarit, mes tyre s’mungon as Messi

Mesi, Haland dhe De Bruyne janë 3 lojtarët e nominuar nga UEFA për të zgjedhur më të mirin e sezonit që lamë pas. Qeveria evropiane e futbollit ka vlerësuar performancat e gjithësecilit, ndërsa më 31 gusht do të zgjidhet futbollisti i vitit.

Kriteri i përzgjedhjes është i tillë, duke vlerësuar lojtarët në paraqitjet e bëra me skuadrat dhe kombëtaret e tyre. 3 emrat e parë janë përzgjedhur në bazë të votave të trajnerëve të disa skuadrave dhe një grup gazetarësh që gjithashtu ishin pjesë e jurisë.

Në listën me 11 emrat e futbollistëve më të mirë të sezonit ka vend dhe për Gundogan, Rodri, Mbappe, Modric, Brozovic, Rice, Mac Allister e në fund Jesus Navas i cili fitoi Europa League me Sevillan.

Sa i përket 3 lojtarëve më të mirë, Messi vjen si kampion bote, ndërsa nuk arriti të kishte të njëjtin shkëlqim me PSG, ndërsa te Inter Miami po zhvillon një super sezon.

Haland ka fituar 3pletën me Manchester Cityn, si dhe triumfoi në Superkupën e Evropës ndaj Sevillas. Sa i përket De Bruyne, po ashtu është fitues i tripletës, ndërsa ka pësuar një dëmtim që do ta mbajë larg fushave për 4 muaj.

LEXONI GJITHASHTU: 

• Librazhdë/ Merr flakë automjeti në lëvizje, shkaktohen vetëm dëme materiale
• Stuhia në Frankfurt, anulohen me dhjetëra fluturime