Helmimi i polakëve në Vlorë, policia informacion zyrtar

Policia ka informuar zyrtarisht mbi polakët të cilët janë paraqitur në spitalin e Vlorës me simptoma helmimi.

Sipas tyre bëhet fjalë për 41 shtetas.

Njoftimi i policisë:

Rreth orës 20:10, në spitalin e Vlorës, janë paraqitur për ndihmë mjekësore, me simptoma helmimi nga ushqimi, 41 shtetas polakë (turistë), të cilët janë jashtë rrezikut për jetën.

Nga verifikimet paraprake rezulton se këta shtetas, gjatë ditës së sotme, kanë qenë me guidë, me anije turistike, në ishullin e Sazanit.

Grupi hetimor i ngritur për këtë rast, në bashkëpunim me specialistë të AKU-së dhe në drejtimin e Prokurorisë, vijon punën për përcaktimin e shkakut të helmimit të këtyre shtetasve.

Drejtoresha e spitalit rajonal Vlorë Bruna Mersini tha se ende nuk dihet nëse helmimi ka arhdur për shkak të ushqimit të kon sumuar apo për shkak të vapës, pasi fëmijët polak kanë qenë në udhëtim gjithë ditën e dielli mund të ketë ndikuar.

Ajo tha se pavarësisht se në spital janë shoqëruar të 70 fëmijët, rreth20 prej tyre kanë shenja helmimi dhe gjendja e tyre paraqitet e qendrueshme.

“Janë turistë nga Polonia. Këta fëmijë kanë udhëtuar gjithë ditën, pasi kanë ardhur nga Shkodra, pastaj kanë marrë anijen për në Karaburun. Gjendja e tyre është në kontroll”,-tha Drejtoresha e spitalit rajonal Vlore Bruna Mersini.

E pyetur se nga ka ardhur helmimi, mjekja tha:

“Ky është një shqetësim se edhe ne mjekët fillojmë hetimin epidemiologji, sapo të kryhen hetimet mjekësore, do kemi përgjigjen se nga ka ardhur. Këta janë fëmijë dhe vapa e qëndrimi në diell mund të ketë ndikuar”.

LEXONI GJITHASHTU:

• Rreth 20 fëmijë polak në Spitalin e Vlorës/ Flet Drejtoresha: Shkaku i helmimit
• Presidenti polak: Armët bërthamore ruse në Bjellorusi ndryshojnë sigurinë rajonale