Me makinë të blinduar! Eksperti zbulon pse është rritur siguria për kreun e SPAK

Eksperti i sigurisë Fatjon Softa tha në një intervistë për Euronews Albania se masat e sigurisë në drejtim të kreut të SPAK janë normale.

Sipas tij, nëse ka masa shtesë këto vijnë për shkak të aksioneve që së fundi SPAK ka kryer dhe dosjeve të nxehta që përfshijnë zyrtarë të lartë.

“Jemi në një situatë që krimi është i organizuar dhe këto janë në raportet e ndërkombëtarëve dhe materialet e medias, por edhe për faktin që këta persona kanë shkallë të lartë rrezikshmërie se krimi ka pasur disa goditje. Nëse lëviz me makinë të blinduar dhe masa shtesë që vihen re, tregon edhe një herë se ose mund të ketë indicie se dosjet që ndjek janë mundësi që mund të krijojë probleme të sigurisë si person dhe të institucionit. Masa të tilla janë normale në një situatë të rënduar kur çështjet që po heton lidhen me korrupsionin, krimin e organizuar dhe persona të rëndësishëm publikë”, tha eksperti.

LEXONI GJITHASHTU:

• A u kërcënua Dumani? Balla flet për rritjen e masave të sigurisë të kreut të SPAK
• Masa shtesë sigurie për Altin Dumanin, kreu i SPAK lëviz me makinë të blinduar