Statuti i ri i PD, pedagogu: Basha mblodhi Kuvendin vetëm për të hequr Gaz Bardhin

Në statutin e ri të Partisë Demokratike që pritet të miratohet gjatë punimeve të Kuvendit Kombëtar këtë të shtunë, parashikohet që Basha të marrë drejtimin e grupit parlamentar. Gjithashtu ndryshimet statutore i heqin kompetencat Sekretarit të Përgjithshëm, duke bërë që i gjithë Kuvendi të përcaktohet nga pedagogu Rezart Prifti, si një organizim vetëm për të hequr qafe Gazmend Bardhin.

I ftuar në Euronesës Albania, Prifti, tha se pasi gënjeu për 10 vite demokratët dhe qytetarët që do të rrëzonte maxhorancën qeverisëse, Basha tashmë organizon një Kuvend Kombëtar dhe ndryshon statutin e PD vetëm për të goditur me letra Bardhin.

“Bëri një kuvend për Gaz Bardhin, bëri një statut të ri për Gaz Bardhin, bëri lëmsh e li gjithë dynjanë për Gaz Bardhin, pra e gjithë kjo u bë për Gaz Bardhin, për të hequr Gaz Bardhin me letra, ku nga të gjitha krahët këta nuk kanë asnjë letër”, -tha Prifti.

Por çfarë pritet të ndryshohet në statut?

Ndryshimet stature që pritet të miratohen në Kuvend prekin dhe kreun e grupit parlamentar të PD-së, ku sipas statutit të ri, kur PD nuk është shumicë qeverisëse, krytari i partisë është dhe kreu i grupit parlamentar.

Në këtë mënyrë pas miratimit të ndryshimeve në statut Basha pritet të jetë dhe kryetar i PD, por dhe kryetar i grupit parlamentar.

Një tjetër ndryshim në statut parashikon reduktimin e kompetencave të sekretarit të përgjithshëm.

Në dokumentin që pritet të prezantohet në kuvendin e PD thuhet se në mungesë të tij, dokumentimin e mbledhjeve të Kryesisë mund ta bëjë edhe një person i ngarkuar nga Kryesia.

LEXONI GJITHASHTU:

• Me himnin kombëtar në sfond, nis Kuvendi Kombëtar i PD
• Basha vetëzgjidhet në krye të grupit parlamentar të PD përmes ndryshimeve në statut