Stuhitë në Florida, Biden zotohet se do të ofrojë ndihmë për rimëkëmbje

3 Shtator 2023 | 11:15

Presidenti amerikan, Joe Biden, është zotuar se do të ofrojë çfarëdo ndihme për Floridën për t’u rimëkëmbur, pas shkatërrimit që ka lënë mbrapa stuhia tropikale Idalia.

Biden i ka bërë këto deklarata nga vendi i ngjarjes, ku të paktën dy persona besohet të kenë vdekur, prej zbarkimit të stuhisë të mërkurën në këtë shtet.

Biden ka thënë se asnjë njeri “inteligjent” nuk ka dyshim për ndikimin e ndryshimeve klimatike në stuhi të tilla.

Guvernatori i Floridës, Ron DeSantis ka vendosur të mos takohet me presidentin Biden.

DeSantis, i cili synon ta fitojë nominimin e republikanëve në garën për president të SHBA-së, ka thënë paraprakisht se prezenca e Bidenit në Florida do t’i pengonte përpjekjet për përgjigje ndaj katastrofës.

Biden, i cili ka biseduar disa herë me DeSantisin gjatë javës, përmes telefonit, ka thënë se do të shkojë edhe fizikisht në Florida.

Idalia ka zbarkuar si stuhi e fuqishme në zonën Big Bend të Floridës të mërkurën, dhe është përshkruar nga zyrtarët si stuhia më e keqe që e ka goditur rajonin në 100 vjetët e fundit.

Prej asaj dite stuhia ka lëvizur në veri, duke goditur shtetet fqinje si Xhorxhia dhe dy Karolinat.

Shtëpitë dhe bizneset janë vërshuar, dhe mijëra njerëz kanë mbetur pa energji elektrike.

 

LEXONI GJITHASHTU:

Home Kryefaqja
Shiko në: YouTube
Lajme të Sugjeruara

Deklaratat antisemite të artistit, Gjykata holandeze i hap rrugën koncerteve të Kanye West

Reperi amerikan Kanye West do të lejohet të mbajë dy koncerte në Holandë, pasi një gjykatë në Amsterdam vendosi se performancat e planifikuara mund të...
09:24 | 04/06/2026

SpaceX drejt ofertës publike fillestare më të madhe në histori, prej 75 miliardë dollarësh

SpaceX, kompania e teknologjisë hapësinore dhe komunikimeve satelitore e drejtuar nga Elon Musk, po planifikon të mbledhë rreth 75 miliardë dollarë përmes një oferte publike...
09:11 | 04/06/2026

Dhoma e Përfaqësuesve miraton masën për t’i dhënë fund luftës në Iran

Dhoma e Përfaqësuesve në Shtetet e Bashkuara ka miratuar rezolutën për kompetencat e luftës që synon të frenojë fushatën ushtarake të presidentit amerikan, Donald Trump,...
08:43 | 04/06/2026