“Dështon” kuvendi në Kosovë/ Maxhoranca bojkoton seancën

Sesioni i ri parlamentar në Kosovë nisi punën me debate. Në seancën e parë, ku pritej të kishte debate konstruktive për mungesën e librave për nxënësit e shkollës fillore, mungesa e deputetëve të maxhorancës bëri që qëllimi i seancës të dështojë.

Megjithatë, kryetari i  Kuvendit Glauk Konjufca bëri përjashtim duke ia dhënë opozitës fjalën. 

Kjo e fundi akuzoi partinë ne pushtet, duke i drejtuar edhe pyetjen se kujt i trembet që nuk përballet.

Ndërkohë  grupi parlamentar i Vetëvendosjes, përmes një konference për media, bëri të ditur arsyet e bojkotimit të kësaj seance. 

Mungesa e kuorumit, bojkotimi here nga pushteti e here nga opozita, ka bërë që seancat plenare të dështojnë edhe gjatë sesionit pranveror. Mbetet të shihet nëse fillimi jo i mire i punës nga Kuvendi, duke dështuar që në seancën e parë, do të vijojë edhe gjatë vjeshtës. 

LEXONI GJITHASHTU: 

• Biden “i zhgënjyer” nga Xi, refuzoi të marrë pjesë në samitin e G20
• Himarë, 70-vjeçari humb jetën teksa ishte në timon, dyshimet e para