Mjeku ortoped: Qëndrimi me orë para TV apo celularëve i dëmshëm për fëmijët

Qëndrimi i fëmijëve  për një kohë të gjatë ulur përballë televizorit, apo çdo pajisje teknologjike, nuk dëmton vetëm sytë por edhe qafën e shtyllën kurrizore.

Në një intervistë për Euronews Abania, kirurgu ortoped Ilir Hasmuça, thotë se mënyra si qëndrojnë fëmijët është e gabuar.

“Përdorimi i tabletiti, celularit, televizorit për orë të gjata patjetër që shkakton probleme  te fëmijët mund të ketë problem të kolonës, qoftë të qafës, dhe defektet që në shohim shpesh sidomos në fazën e pubertetit janë ato që ne i themi kifoza dhe skolioza pra deformimi i kolonës, pra harkimi majtas apo djathtas”- u shpreh, Ilir Hasmuça, mjek ortoped tek spitali i Traumës.

Rastet nuk janë të pakta. Ato kanë ardhur duke u shtuar.

“Statistika të mirëfillta nuk ka por nga statistikat personale unë çdo muaj shoh 4 apo 5 sidomos moshën e fillimit  të pubertetit”- tha Hasmuça.

Shpesh janë prindërit ata që e vërejnë deformimin në trupin e fëmijës, ose ankesa e tyre për dhimbje në shpinë që i çon tek doktori.

“Po mund ti rikuperojmë sh mirë dhe pa problem, por nëse nuk i kapim në kohë mund të kemi deformime të parikthyeshme me të cilat nuk mund ti kalojmë me trajtime conservative, korse, fizioterapi dhe not por mund të shkojnë deri tek operacioni.

Veç qëndrimit për ore para videolojrave apo televizorit, mjekët kërkojnë të bëhet kujdes edhe me mënyrën se si qëndrojnë në klasë gjatë mësimit, dhe studimit, pasi ky është një tjetër faktor që po dëmton shtyllën kurrizore të fëmijëve.

LEXONI GJITHASHTU: 

• “Për të tashmen e të ardhmen e marrëdhënies Kosovë-Shqipëri”, Rama takim me Osmanin
• Shqipëria investon te panelet diellore, rritet prodhimi nga fotovoltaikët