“Për të tashmen e të ardhmen e marrëdhënies Kosovë-Shqipëri”, Rama takim me Osmanin

Kreu i qeverisë Edi Rama është takuar ditën e sotme me presidenten e Kosovës, Vjosa Osmani.

Në një postim që ka bërë në rrjetet sociale, ka ndarë disa foto në ambientet e kryeministrisë.

Krahas fotove Rama shkruan: Me Presidenten Vjosa Osmani, për të tashmen dhe të ardhmen e marrëdhënies së patjetërsueshme Kosovë-Shqipëri.

Sakaq, Presidentja Osmani ka zbardhur detaje nga takimi me kryeministrin Rama. Përmes një postimi në rrjete sociale, Osmani, shkruan se kanë diskutuar rreth aspiratës së përbashkët evropiane të të dyja vendeve.

“Me Kryeministrin Edi Rama pata një bisedë përmbajtësore rreth aspiratës së përbashkët evropiane të Kosovës dhe Shqipërisë. Duke punuar së bashku, Kosova dhe Shqipëria mund të hapin rrugën për një të ardhme më të ndritshme dhe më të integruar.”, shkruan Osmani.

LEXONI GJITHASHTU:

• Si po ndryshojnë dasmat shqiptare, traditat e vjetra po dalin jashtë mode
• 3 punonjës policie dhe 1 i gardës janë arrestuar gjatë muajit gusht