Berisha entuziast pas takimit me Bardhin: Sot çelet një horizont i ri për demokratët

Ish-kryeministri Sali Berisha e cilësoi tryzën e përbashkët mes deputetëve të Partisë Demokratike, si një mesazh shumë pozitiv që i jepet votuesve në bazë. Sipas tij tashmë opozita është e bashkuar në parlament në nisje të një beteje të vështirë me regjimin.

Berisha theksoi se në fjalën e tij se sot është çelur një horizont i ri për të gjithë demokratët të cilët do të nisin betejën me pushtetin me optimizëm dhe të bashkuar.

“Ky ishte një takim i 43 deputetëve të dalë nga zgjedhjet e 25 prillit, deputetët të Partisë Demokratike me aleatët e saj të përjetshëm. Besoj se ishte një mesazh shumë pozitiv dhe një përgjegjësi në të cilën deputetët vendosin të bashkojnë të gjithë përpjekjet e tyre kundër një regjimi që është sot thagmë e krimit, e vjedhjes dhe e të zezave më të mëdha që ka njohur kombi. Mendoj që ky ishte një hap i parë shumë i rëndësishëm në një proces të pandalshëm që do i jap zgjidhjen më të mirë të gjitha problemeve. Ky ishte një takim i 43  deputetëve të dalë nga një aleancë opozitare dhe që vendosën t’i kallin datën dhe tmerrin Edi Ramës. Asgjë më të moralshme nuk ka se sa beteja ndaj Edi Ramës që po shkretëton Shqipërinë.

Janë 620 mijë opozitarë që sot marrin frymë lirisht dhe me optimizëm, sot për ta çelet horizont i ri në betejën kundër regjimit.

Këtu nuk ishin sot deputetët e Partisë së Lirisë që janë opozitarë të vendosur. Sot ftoj çdo deputetë të bashkojë forcat për një fitore të sigurt”, tha Berisha.

LEXONI GJITHASHTU:

• Tryeza e përbashkët, Berisha falenderon Bardhin: Mesazhi i duhur për demokratët
• Spahiu: Berisha-Basha-Bardhi luftë me njëri-tjetrin, jo me Ramën