Impakti i ngrohjes globale

Euronews Perspective Show, nën moderimin e Euronews Bulgaria, analizoi përmes një emisioni mbi ngrohjen globale, ndikimin që ndryshimet klimatike mund të kenë në Evropën Qëndrore dhe Lindore.

Ngrohja globale i referohet rritjes afatgjatë të temperaturës së sipërfaqes së Tokës, e vërejtur që nga periudha para-industriale midis viteve 1850 dhe 1900 për shkak të aktiviteteve të njeriut, kryesisht djegia e karburantit fosile, e cila rrit nivelet e gazit serrë që bllokon nxehtësinë në atmosferën e Tokës.

Studimet vlerësojnë se ndryshimi i klimës mund të dëmtojë rreth 4% të prodhimit vjetor ekonomik global deri në vitin 2050, si dhe të godasë në mënyrë shpërpjesëtimore shumë vende të varfra të botës.

Bujqësia është sektori tjetër që po preket nga çrregullimi i regjimit termik, veçanërisht në zonat e ulëta gjatë përmbytjeve, apo në zonat mbi ujë në periudhën e nxehtë.

Kushtet e reja të mjedisit po ndikojnë në hartën e shpërndarjes së kulturave bujqësore si të agrumeve, ullirit, pjeshkës, luleshtrydhes, apo dhe serrave me ngrohje diellore.

Euronews Albania së bashku me Euronews-in qendror në Lion, Euronews Bullgaria, Euronews Serbia, Euronews Romania dhe Euronews Georgia, analizuan ndikimin e rritjes së temperaturave në secilin prej vendeve të tyre respektive.

Ndiqni emisionin e Euronews Perspective Show për t’u informuar më shumë mbi impaktin që do të ketë ngrohja globale në Evropë.

LEXONI GJITHASHTU:

• Paralajmërimi i OKB: Ngrohja globale do ketë ndikim negativ në furnizimin me ushqime
• Ndryshimet klimatike po ndryshojnë edhe ngjyrën e oqeanit