Kryeministri Boris Johnson: Ka prova se varianti i ri i virusit është më vdekjeprurës

Varianti i ri i coronavirusit, i cili u zbulua për herë të parë në Mbretërinë e Bashkuar, mund të jetë më vdekjeprurës, kështu është shprehur kryeministri britanik Boris Johnson.

Kryeministri sqaroi të premten se “ka disa prova” që sugjerojnë shkallë më të lartë  vdekshmërie në mesin e të prekurve me variantin e ri, i cili përbën dhe numrin më të lartë të rasteve në Mbretërinë e Bashkuar.

Gjatë një konferencës për shtyp Johnson u shpreh se: “Ka disa prova që faktojnë se varianti i ri mund të shoqërohet me një gradë më të lartë vdekshmërie”.

“Të gjitha provat aktuale vazhdojnë të tregojnë se vaksina që kemi është efikase ndaj variantit të ri”, shtoi kryeministri britanik.

Varianti i ri njihej gjerësisht për shkallën më të lartë të përhapjes, rreth 70 për qind më ngjitës, por detaje të reja për fatalitetet nuk ishin bërë ende të ditura.

Disa shtete vendosën të mbyllin kufijtë me Britaninë, në përpjekje për të shmangur përhapjen e variantit të ri në vendet e tyre.

Lexoni gjithashtu 

• Gjermania cakton rregulla për këdo që futet në vend, vendimi prek edhe Shqipërinë
• Britania falenderon edhe në shqip punonjësit e sektorëve kyç që përballen me COVID-19
• COVAX do të furnizohet me vaksina nga Pfizer- BioNTech