I mori një shtetasje 270 mijë euro, arrestohet 53-vjeçari në Tiranë

Andi Alimehmeti, 53 vjeç është arrestuar ditën e sotme në Tiranë, pasi nëpërmjet mashtrimit i ka marrë një shtetasje 270 mijë euro.

Policia bën me dije se Alimehmeti i ka marrë një shtetaseje, shumën 270 000 euro, duke e mashtruar atë se do ta bënte bashkëpunëtore në një agjensi turistike që kishte në pronësi.

“Shërbimet e Seksionit të Kërkimit në DVP Tiranë, në vijim të punës për lokalizimin, kapjen dhe vënien përpara përgjegjësisë penale të shtetasve të shpallur në kërkim, bazuar dhe në informacionet e siguruara në rrugë operative, për vendndodhjen e një shtetasi të shpallur në kërkim, organizuan dhe finalizuan operacionin policor të koduar “Trick”.

53-vjeçari shpallur në kërkim pasi Gjykata e Apelit Tiranë e ka dënuar me 4 vjet burgim, për veprën penale “Mashtrimi”.

Materialet procedurale i kaluan Prokurorisë, për veprime të mëtejshme.

LEXONI GJITHASHTU: 

• Ndryshimet në qeveri, betohen pesë ministrat e rinj në Presidencë
• 25 vjet nga vrasja e Azem Hajdarit, Berisha kryen homazhe te “Varrezat e Dëshmorëve”