I vuri flakën tokës së vet, por dogji 3 shtëpi, arrestohet 36-vjeçari në Finiq

Policia e Sarandës arrestoi një 36-vjeçar i cili një ditë më parë ndezi zjarr në tokën e tij në fshatin Livinë, në Finiq duke shkaktuar djegien e 3 shtëpive në këtë fshat.

Strukturat hetimore të Komisariatit të Policisë Sarandë, në bashkëpunim me shërbimet e Forcës së Posaçme “Shqiponja” dhe të Patrullës së Përgjithshme, pas informacioneve të siguruara nga inteligjenca policore, lokalizuan, kapën dhe ndaluan shtetasin në kërkim M. B., 36 vjeç, banues në fshatin Livinë, Finiq.

Ky shtetas dyshohet se më datë 11.09.2023, rreth orës 11:00, ka ndezur zjarr në tokën e tij, në fshatin Livinë, bashkia Finiq dhe kur pa parë se zjarri po dilte jashtë kontrollit, është larguar. Zjarri, i favorizuar nga era, mori përmasa dhe për pasojë u dogjën pjesërisht 3 banesa në fshatin Livinë.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Sarandë, për veprime të mëtejshme, për veprën penale “Shkatërrimi i pronës me zjarr”.

LEXONI GJITHASHTU:

• EMRI| I vuri zjarrin tokës por dogji 3 shtëpi në Finiq, identifikohet 36-vjeçari
• Vijon zjarri në Finiq, flakët rrezikojnë 3 fshatra të tjera