I morën me dhunë varësen e floririt një të mituri, arrestohen 2 të rinjtë në Kamëz

Dy 21-vjeçar janë arrestuar ditën e sotme pasi i vodhën me dhunë varësen e floririt një të mituri.

Blutë bëjnë me dije se në pranga kanë rënë shtetasit E. M., 21 vjeç dhe R. Sh., 21 vjeç, të dy banues në Kamëz.

Nga veprimet hetimore dyshohet se këta 2 shtetas, në Bathore, kanë futur në automjetin e tyre, një shtetas të mitur, pa dëshirën e tij, dhe i kanë marrë me dhunë varësen e floririt që mbante në qafë.

Në cilësinë e provës materiale u sekuestruan varësja e floririt, një aparat celular dhe automjeti i përdorur nga 2 autorët e dyshuar.

Materialet i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme procedurale.

• Von der Leyen mbështet zgjerimin: Katalizator për përparim, t’i tejkalojmë debatet
• Eulex ‘’rrëmben’’ komandant Rremën/ Çfarë ndodhi me ish-luftëtarin e UÇK