“Bashkë kundër imperializmit”, Putin pret Kim Jong Un: Marrëdhëniet në nivel tjetër

Presidenti rus Vladimir Putin priti në mënyrë të ngrohtë liderin koreano-verior Kim Jong Un. Dy krerët e shteteve u takuan në kozmodromin Vostoçni, në ekstremin lindor të Rusisë, për të diskutuar marrëveshjen që do t’i jepte një hov agresionit rus në Ukrainë.

Lokaliteti ku u zhvillua takimi është gjithashtu një tregues se në këmbim, Peniani do të sigurojë teknologji ushtarake, teksa përpiqet të avancojë programin e saj satelitor.

Sipas agjencisë “Interfax”, lideri koreano-verior u shpreh i bindur se takimi me presidentin Putin do të kontribuojë në ngritjen në një nivel të ri të marrëdhënieve mes dy vendeve.

“Peniani mbështet të gjitha vendimet e autoriteteve ruse dhe synon të qëndrojë përkrah Moskës për të luftuar kundër imperializmit”, ka deklaruar Kim.

Por afrimiteti mes dy vendeve mund të mos kalojë pa kosto. Shtetet e Bashkuara kanë paralajmëruar regjimin e Kim Jong Un me pasoja, ndërsa analistët thonë se lëvizja mund të zemërojë Pekinin me Moskën, pasi Kina e konsideron Korenë e Veriut një vend nën sferën e saj të influencës.

LEXONI GJITHASHTU:

• Pamjet e takimit në Siberi, si e priti Putin Kim Yong un
• Putini i kërkon Kim Jong Unit forcimin e marrëdhënieve “në të gjitha frontet”