Kapet në Dubai Amant Josifi, i shpallur në kërkim nga autoritetet spanjolle

Policia e Shtetit ka konfirmuar ndalimin në Dubai të shtetasit Amant Josifi për llogari të autoriteteve spanjolle. Josifi rezulton i shpallur në kërkim ndërkombëtar në kuadër të megaoperacionit policor ndërkombëtar të koduar “FRIDA-REFOX”, ku u godit një grup që merrej me mashtime përmes Call-Centerave.

Ndaj tij Gjykata e Shkallës së Parë e La Seu de Urgell, në Spanjë, ka caktuar masën e sigurisë “Arrest në burg”, për veprat penale “Mashtrime me rrethana rënduese”, “Krim kibernetik”, “Skema piramidale” dhe “Organizata kriminale”, të parashikuara nga Kodi Penal spanjoll.

“Në vijim të punës hetimore, gjurmuese dhe kërkimore, për kapjen e shtetasve të shpallur në kërkim në kuadër të hetimit të përbashkët ndërmjet autoriteteve policore shqiptare dhe atyre spanjolle, u kap në Dubai, për llogari të autoriteteve spanjolle, shtetasi i shpallur në kërkim ndërkombëtar A. J”, njofton policia.

LEXONI GJITHASHTU:

• 2 mld euro mashtrime, gazetari jep detaje për biznesmenin Josifi që është në kërkim
• Berisha tregon detaje: Biznesmeni Amant Josifi ndodhet në Dubai