I përfshirë në masakrën e Lushnjës, Gjykata e Lartë rrëzon rekursin e Laert Haxhiut

Gjykata e Lartë në Dhomë Këshillimi vendosi të mos pranojë rekursin e Laert Haxhiut.

Ai kërkonte ndryshonte ndryshimin e vendimit të Gjykatës së Apelit që e dënoi me 18 vite burg.

Avokati i tij Detar Hysi paralajmëron do të ndjekë rrugët ligjore në Gjykatë Kushtetuese pasi dënimi nuk është i bazuar në ligj. Haxhiu aktualisht mbahet i ndaluar me Greqi, ku SPAK ka kërkuar ekstradimin e tij në Shqipëri.

Ai u dënua për plagosjen e Sajmo Xhelilit dhe Xhulio Shkurtit në 25 shtator të 2016-ës. Ngjarja ka ndodhur në lagjen “Çlirimi”, pas një sherri në lokal. Ndërkohë, gjatë kohës që ishte në arrati 31-vjeçari tentoi të ekzekutonte për të dytën herë nipin e Aldo Bares, kreu i bandës së Lushnjës.

Në atë ngjarje u vranë Jurgen Hoxha dhe Zamir Latifi, ndërkohë që shpëtoi objektivi i atentatit Xhulio Shkurti. Ngjarja ndodhi në Shtator të 2017-ës, për të cilën akuzohet nga SPAK.

LEXONI GJITHASHTU:

• Greqia refuzon ekstradimin e Laert Haxhiut, i përfshirë në masakrën e Lushnjës
• Dosja e ekstradimit mbërrin në Greqi, Laert Haxhiu kërkon azil: Më rrezikohet jeta