Mbi 280 raste të reja me COVID në Kosovë, 5 viktima në 24 orë

Gjatë 24 orëve të fundit në Kosovë janë regjistruar 288 raste të reja me COVID-19 ndërsa kanë humbur jetën 5 pacientë. Rastet e reja të të infektuarave janë zbuluar nga kryerja e 1 842 testeve.

Deri tani numri total i rasteve pozitive është 58.687 raste nga mbi 223 mijë teste të kryera. Ndërsa sa i takon numrit të viktimave, deri tani numërohen 1 471 viktima.

Nga ana tjetër, gjatë 24 orëve të fundit, janë shëruar 256 pacientë derisa numri i përgjithshëm i të shëruarve deri më sot është gjithsej 51.337 raste, kurse numri i rasteve aktive është 5.879.

Rastet pozitive janë nga komunat:

Prishtinë 110 raste, Podujevë 27 raste, Pejë 24 raste, Gjakovë 20 raste, Deçan 17 raste, Gjilan 15 raste, Suharekë 13 raste, Ferizaj 11 raste, Klinë 7 raste, Lipjan 6 raste, Fushë-Kosovë 5 raste, Malishevë 5 raste, Kamenicë 4 raste, Rahovec 4 raste, Viti 4 raste, Prizren 3 raste, Istog 2 raste, Mitrovicë 2 raste, Shtime 2 raste dhe me nga një rast komunat Drenas, Graçanicë, Hani i Elezit, Junik, Kaçanik, Obiliq dhe Shtërpcë.