Zhdukja e biznesmenit në Shqipëri, ekspertët italianë vijnë në Pukë

Një grup ekspertësh italianë kanë mbërritur këtë të mërkurë në Policinë e Pukës për të ndjekur nga afër hetimet për zhdukjen e biznesmenit italian, Davide Pekoreli prej datës 6 janar.

Ekspertët kanë parë nga afër automjetin e djegur që përdorej nga biznesmeni në fushën e kozmetikës si dhe do të asistojnë në ADN-në që po kryhet për mbetjet kockore të gjetura në automjetin tip “Skoda” që u gjet i shkrumbuar në aksin Gjegjan-Reps të Pukës.

Ndërkaq sipas hetuesve shqiptar eshtrat e gjetura në automjetin e shkrumbuar pasditen e datës 6 janar i përkasin biznesmenit Pekoreli dhe sipas tyre vdekja e tij ka qenë aksidentale si pasojë e djegies totale.

Lexoni gjithashtu:

Zhdukja e biznesmenit italian, hetuesit arrijnë të zbërthejnë GPS-in