”Shqipëria me më shumë korrupsion se te raporti i TI”, avokati Ngjela rendit dy aspekte që rëndojnë gjendjen

Në një intervistë për Euronews Albania, avokati Spartak Ngjela tha se sipas tij gjendja e korrupsionit në Shqipëri është shumë më e rëndë se në raportin e Transparency International.

“Korrupsioni është sëmundje shekullore e shqiptarëve,” – tha Ngjela teksa akuzoi politikanët se jo vetëm vjedhin nëpërmjet korrupsionit por shesin dhe interesin kombëtar gjithashtu.

Avokati Ngjela renditi dy aspekte që e rëndojnë korrupsionin në Shqipëri. Së pari, niveli i ulët i jetesës dhe së dyti, pasiguria e individit i cili kërkon të largohet nga vendi.

Sipas tij askush nuk po i kushton rëndësi zgjedhjeve dhe ligji për zgjedhjet është i mjerë.

“Imagjino kryetar të Komisionit të Zgjedhjeve kanë vënë një njeri që ka manipuluar dy zgjedhje në favor të Ramës, por e duan të dy palët sepse siç duket kanë një kompromis të heshtur,” – përfundoi avokati.

Lexoni gjithashtu: 

Korrupsioni në nivele të larta, raporti i TI: Një pikë plus për Shqipërinë, problem sundimi i ligjit