Më shumë femra në votime, sondazhi i MRB: Meshkujt indiferentë dhe të lëkundur për 25 prillin

Ndërsa zgjedhjet e 25 prillit po afrojnë, partitë politike kanë filluar të shpalosin programet mbi të cilat do të kërkojnë votën, e mandej për të qeverisur.

Sondazhi i MRB i prezantuar në Euronews Albania, me 1600 individë të pyetur, zbulon se femrat janë më të vendosura se meshkujt për të shkuar në votime.

Pyetjes, nëse do votojnë në zgjedhjet parlamentare, vetëm 3.7% e tyre i janë përgjigjur me jo, ndërsa tek meshkujt ky grupim është më i madh 6.4%.

Po ashtu, edhe në grupin e të lëkundurve, numri i meshkujve është më i lartë, çka mund të shërbejë si pikë referimi edhe për mënyrën se si duhet të organizojnë fushatën partitë politike.