COVID-19 në Shqipëri, 876 të infektuar dhe 11 humbje jete

Vijon të ngelet shqetësues numri i të prekurve me COVID dhe atyre që humbin jetën në luftë me virusin.

Raportimi nga Ministria e Shëndetësisë ka bërë me dije se në 24 orët e fundit janë kryer 3144 testime nga ku kanë rezultuar 876 persona pozitiv me COVID-19.

11 qytetarë të grupmoshës 36-80 vjeç humbën jetën duke e çuar numrin e vdekjeve në 1380.

Fatmirësisht 497 qytetarë janë shëruar duke e çuar numrin e të shëruarve në 47.424 që nga fillimi i pandemisë.

“Aktualisht në 4 spitalet COVID, po trajtohen 343 pacientë, 19 në terapi intensive nga të cilët 6 pacientë janë të intubuar,” – thuhej në postimin e përditshëm të MSH-së.

Ministria e Shëndetësisë dhe Mbrojtjes Sociale u drejtohet qytetarëve të mos neglizhojnë asnjë shenjë të sëmundjes dhe të kontaktojnë për çdo dyshim me mjekun e familjes për të kryer testimin si dhe për ndjekjen dhe trajtimin ambulator në banesë.

Ndërkohë ruajtja e higjenës, mbajtja e maskës dhe distancimi fizik janë elementë për të cilët nuk duhet të ulet vigjilenca në asnjë moment.

Shpërndarja gjeografike e rasteve aktive sipas qarqeve:

Tiranë 16807

Fier  2326

Durrës  1623

Shkodër  1447

Elbasan  1383

Vlorë   1347

Lezhë 1046

Korçë    936

Berat  891

Gjirokastër 605

Dibër  433

Kukës 479