Çollaku: Rithemelimi dhe PS rrëzuan interpelancën për Kosovën. Përgjigjet Bardhi

Nënkryetari i Partisë Demokratike, Kreshnik Çollaku ka akuzuar se përfaqësues në Konferencën e Kryetarëve, përfaqësues të Rithemelimit drejtuar nga Berisha dhe përfaqësues të PS drejtuar nga Rama, kanë rënë dakord për rrëzimin e kërkesës për interpelancë ndaj kryeministrit për çështjen e Kosovës.

Akuzës së tij i është përgjigjur kryetari i grupit parlamentar të Partisë Demokratike, Gazment Bardhi i cili tha se nuk ka pasur asnjë marrëveshje për të rrëzuar kërkesën.

“Kërkesën, unë si deputet i Parlamentit, anëtar i Komisionit të Jashtëm, në emër të Partisë Demokratike e kam depozituar pardje, për të kërkuar sqarim nga kryeministri i vendit, sqarime sa më parë, sqarime shteruese për një qëndrim që tejkalon gafën politike, një qëndrim që tejkalon divergjencat në këndvështrimet e trajtimit të ngjarjes, për një qëndrim i cili rrezikon në mënyrë të drejtpërdrejtë atë për të cilën për ne si Parti Demokratike dhe shumicën e shqiptarëve përbën Kosova, integriteti dhe sovraniteti i saj,” – akuzoi Çollaku.

Ndërkohë, Bardhi është përgjigjur se në Konferencën e Kryetarëve është rënë dakord që do të jetë prezent në seancë Kryeministri dhe ministri i Jashtëm për të dhënë sqarime. Në këtë rast kryetari i Kuvendit ka shfrytëzuar nenin 89 pika 2 të rregullores duke i grupuar çështjet.

LEXONI GJITHASHTU:

• “Rama të tregojë non gratat në qeveri e të distancohet”, Çollaku: Koha nuk pret më
• Bardhi kërkon seancë urgjente për Kosovën: Nuk na nderon fakti që jemi të fundit