“Rama të tregojë non gratat në qeveri e të distancohet”, Çollaku: Koha nuk pret më

Kreshnik Çollaku, i ftuar në Euronews Albania, është shprehur se kreu i qeverisë Edi Rama duhet të bëjë publike emrat e personave që janë të shpallur “non grata” nga aleatët e rëndësishëm strategjikë të Shqipërisë.

Ai theksoi se Rama duhet të distancohet prej tyre duke nënvizuar se numri një i qeverisë duhet të ketë një raport të pacenueshëm në raport me ndërkombëtarët.

“Aleatët strategjikë i kemi shumë të rëndësishëm por nuk janë të shumtë. Detyrimi i qeverisë është të bëjë publike rastet e personave që janë të sanksionuar dhe te distancohet nga këto raste që janë të “Non Grata’ nga aleatë të rëndësishëm. Nuk është çështja se si mund të justifikohet kryeministri i vendit para një situate apokaliptike brenda qeverisë apo mazhorancës, këtu është çështja e  një standardi që kryeministri duhet të ketë një standard të pacenueshëm në raportet tona me aleatët strategjikë.

Kur mbërrihet në pikën ku niveli i kompromontimit të zyrtarëve, ministra apo deputetë, është deri në këtë pikë, detyrimi i çdo institucioni është të bëjë transparente këtë ngjarje të rëndë dhe mbi të gjitha të distancohet nga ta”-tha ai.

LEXONI GJITHASHTU: 

• Turqia arreston dhjetëra persona pas sulmit në Ankara
• Arrestimi i zyrtarit që shiste produkte të skaduara në shkollë, reagon Balla