A pati gisht Rusia tek sulmi në Kosovë? Lama: Shërbimet sekrete kanë…

Analistja nga Kosova, Alma Lama tha në një intervistë për Euronews Albania se shërbimet sekrete mund të kenë informacione për ndërhyrje të Rusisë tek sulmi ndaj policisë së Kosovë, në 24 shtator.

Sipas saj, në deklaratat e SHBA lidhur me sulmin e serbëve në Veri, mund të lexohet mes rreshtash për mundësinë e një ndërhyrjeje të tillë kur thuhet se pas këtyre strukturave fshihen struktura të tjera.

“Vuçiç po shihet si një lloj diktatori i vogël që po shkakton trazira në rajon. E rëndësishme është të kuptohet cili ka qenë roli i Rusisë në këtë ngjarje. Mendoj se shërbimet sekrete kanë informacione e kush janë këta persona, ku i kanë marrë armët dhe në përputhje me këto informacione do merren e dhe masat. Duke dëgjuar edhe deklaratat e SHBA besoj se ata kanë më shumë informacione që nuk po i jepen publikut, por po të lexosh pas rreshtave e kupton. Është folur se pas këtyre strukturave ka struktura të tjera”, tha Lama.

LEXONI GJITHASHTU:

• Serbia liron Radoiçiçin, i ndalohet të shkojë në Kosovë
• “Mund ta përsërisin sulmin”- Eurodeputetët në krah të Kosovës: Të ndëshkohet Serbia