Nga goli i Mujës te “Kosova është Serbi”, çfarë ndodhi në mbrëmjen e Champions

Sulmuesi shqiptar Arbnor Muja ka gjetur golin e parë në Ligën e Kampionëve, edhe pse skuadra e tij u mposht nga Shaktar Donjesk.

Liga e Kampionëve dhuroi një tjetër mbrëmje spektakolare ku nuk munguan golat, ku në 8 përballje u regjistruan 27 të tillë. Ajo e cila u cilësua si kryendeshja e mbrëmjes ishte e vetmja e cila nuk prodhoi gola. Dortmund-Milan u mbyll në shifrat 0-0, me të dyja skuadrat që iu afruan disa herë golit, por pa mundur ta gjejnë atë. Në të njëjtin grup, Newcastle dominoi dhe mposhti 4-1 PSG-në dhe mori kështu vendin e parë në tabelë.

Kampionët në fuqi të kompeticionit morën një fitore pa shumë mundim në transfertën e Leipzig, duke triumfuar 1-3. Foden shënoi i pari për Cityn, më pas Openda solli barazpeshën e përkohshme, ndërsa golat e Alvarez e Dokut vulosën triumfin. Crvena Zvezda dhe Young Boys barazuan 2-2, ndërsa në një tjetër ndeshje të Champions, nuk munguan parullat “Kosova është Serbi”.

Barcelona regjistroi fitoren e dytë në grup, duke shkuar kështu në kuotën e 6 pikëve, teksa fitoi minimalisht ndaj Portos. Përballja tjetër, mes Antwerp dhe Shkahtar Donetsk u mbyll 2-3, me ukrainasit që përmbysën ekipin e Mujës, me këtë të fundit që shënoi golin e parë. Atletico e Lazio morën fitoret e para në grupin E, duke u vendosur respektivisht spanjollët në krye, e më pas ekipi Italian në vendin e dytë.