RMV pa vaksina deri në mars, furnizimet nga Bullgaria dhe Serbia nuk janë realizuar

Maqedonia e Veriut nuk do të furnizohet me vaksina kundër COVID-19, para muajit mars, edhe pse institucionet kishin premtuar se vaksinat e para do të arrinin në fillim të muajit janar apo në fillim të muajit shkurt. 

Gazetari Benjamin Arifi raportoi nga Shkupi se problemet e prodhimit të vaksinës nga kompania Pfizer dhe problemet në sistemin COVAX për shpërndarjen e vaksinës ka sjellë këtë situatë në Maqedoninë e Veriut.

Sipas gazetarit, në RMV pritet që vaksinat kineze të mbërrijnë më shpejt, ku do të sigurohen 200 mijë të tilla. 

Të parët do të vaksinohen janë mjekët dhe infermierët, ndërsa më pas do të vijojë një listë me 14 mijë qytetarë, që do t’u injektohet vaksina.

Ndërkohë Bullgaria dhe Serbia i kishin premtuar Maqedonisë së Veriut dhurimin e një sasie të vaksinave nga furnizimet e saj, por ato nuk janë realizuat për shkak të pengesave ligjore.

Lexoni gjithashtu:

Mbi 2 mijë të infektuar brenda javës në RMV, mjeku Osmani: Është zvogëluar numri i të shtruarve në spitale

Maqedonia e Veriut nis procedurën e furnizimit të 200 mijë vaksinave kineze ‘Sinovac’