Abilekaj: Ja çfarë do ndodhë me Radoiçiç pas rezolutës që do të miratojë Shqipëria

Gazetari Enton Abilekaj ishte këtë të mërkurë i ftuar në  emisionin “Now me Erla Mëhillin” për të folur rreth rezolutës për Kosovën e cila pritet të miratohet ditën e nesërme në parlament.

Ai tha se nëse kjo rezolutë do të miratohet, atëherë Milan Radoiçiç nuk do të hetohet më nga serbia, por do duhet të dorëzohet para hetuesve ndërkombëtarë.

“Nëse parlamenti miraton këtë rezolutë nesër, çfarë ndryshimi ka? Qeveria duhet të respektojë rezolutën e parlamentit ajo duhet të mos deklarohet më siç është deklaruar deri më sot, që Serbia duhet të hetojë ngjarjen e 24 shtatorit. Ka qenë deklaratë nga ministri i jashtëm që “Serbia të hetojë”.

Me miratimin e rezolutës, këtë nuk e bën më Serbia, Radoiçiçi nuk do jetë  më i hetuar në Serbi, ku shkon një herë në dy javë aty dhe bën sikur hetohet, por do duhet të dorëzohet në një hetim ndërkombëtar, i cili mund të bëhet kryesisht në Kosovë. E dyta nuk do të thuhet më se një grup serbësh të Kosovës sulmuan më 24 shtator në veri të Kosovës, por do thuhet se qeveria serbe e sulmoi”,-tha Abilekaj.

LEXONI GJITHASHTU:

• Rezoluta, Manjani: Debat idiot për 3 paragrafë
• Policia thirrje tifozëve: Respektoni masat kufizuese për qëndrimin në stadium