Kastorët kthehen në Itali pas 500 vitesh 

Kastorët po kthehen në Itali pas 500 vjetësh, kur u zhdukën për shkak të gjuetisë së tepërt dhe shkatërrimit të habitatit, thanë sot ekspertët në Firence dhe Milano.

Sipas një studimi nga Universiteti i Milanos dhe Instituti për Kërkime mbi Ekosistemet Tokësore të Këshillit Kombëtar të Kërkimeve (CNR) në Firence, rikolonizimi filloi në Austri dhe po përhapet në rajonet verilindore italiane të Trentino-Alto Adige dhe Friuli Venezia Giulia, raporton Ansa.

Megjithatë, studiuesit thonë se ka gjithashtu popullata të reja të brejtësve të mëdhenj gjysmë ujorë që zhvillohen në rajone më jugore pas rifutjes së paautorizuar në Italinë qendrore.

“Pjesë të mëdha të Italisë janë të përshtatshme për stabilizimin e popullatave të kastorëve, dhe ndërsa popullatat veriore duket se janë më të izoluara, në Italinë qendrore ka potencial më të madh për zgjerim”, tha studiuesi kryesor Mattia Falaschi nga Universiteti i Milanos.

Është sugjeruar se prania e kastorëve mund të zvogëlojë rrezikun e përmbytjeve.
Megjithatë, mund të shkaktojë dëme edhe në të korrat dhe infrastrukturën si kanalet, rrugët dhe urat e krijuara nga njeriu.

“Është një rrezik, veçanërisht në Trentino, Toskana, Umbria dhe Marche”, thotë Falaski.

Do të kërkohet monitorim i veçantë në këto zona, së bashku me masat parandaluese si rrethimi dhe kullimi i ligatinave, ku kolonitë e kastorëve mund të përbëjnë një kërcënim për infrastrukturën.

LEXONI GJITHASHTU:

• Sulmet e arinjve në Itali, kafshët i shpëtojnë ekzekutimit
• Nutricionisti: 90% e hekurit merret nga bimët, jo nga kafshët