Nutricionisti: 90% e hekurit merret nga bimët, jo nga kafshët

Nutricionisti Altin Joka tha për “Good morning Albanians” në Euronews Albania se 90% e hekurit merret nga bimët dhe jo nga kafshët.

“90% të hekurit që ne marrim, e marrim nga bimët, nuk e marrim nga kafshët. Gjithë gjethet jeshile kanë nivele të larta të hekurit dhe gjithë pjesa tjetër e bizeleve, e bishtajoreve, e thjerrzave, përthithja e tyre është shumë e ulët. Po të shikosh, kur është bërë një eksperiment për marrjen e përthithjes së hekurit nga qiqrat, që kanë nivele të larta hekuri, 3% është përthithur në organizëm. Është shtuar lëng limoni që është bërë humus dhe ka arritur 30% sepse ka disa elementë. Fitatet që ndodhen te këta elementë nuk e bëjnë përthithjen mirë dhe polifenolet te disa erëza nuk e bëjnë përthithjen mirë të hekurit. Element tjetër i mos përthithjes është kalciumi që marrim nga bulmeti.

Nëse mishin do ta shoqërojmë me perime, edhe perimet do t’i shoqërojmë me lëngun e limonit e të portokallit apo edhe me disa fruta siç është molla, qershia, dardha, brokoli, shalqiri që kanë acid malik, sepse acidi malik bën një përthithje shumë të lartë të hekurit në trupat tanë,” – u shpreh Joka.

LEXONI GJITHASHTU:

• Nutricionisti: Mish zebre e luani po eksperimentohen për t’u prodhuar në laborator
• “Kujdes nga patatinat”, nutricionistja Daka apel prindërve: Po dëmtoni fëmijët