Izraeli: S’ka energji elektrike, ujë apo karburant në Gaza derisa të lirohen pengjet

Gaza nuk do të pajiset me energji elektrike, ujë apo karburant derisa pengjet izraelite të mbajtura nga Hamasi të kthehen në shtëpi, tha të enjten ministri izraelit i energjisë, Israel Katz.

“Asnjë çelës elektrik nuk do të ndizet, asnjë hidrant uji nuk do të hapet dhe asnjë kamion me karburant nuk do të hyjë derisa të rrëmbyerit izraelitë të kthehen në shtëpi. Dhe askush nuk do të na predikojë moralin”, shkroi Katz në X, dikur Twitter.

Gjatë sulmit të së shtunës, militantët e armatosur të Hamasit u derdhën mbi kufirin e fortifikuar në Izrael dhe morën rreth 150 pengje, përfshirë oficerë të ushtrisë izraelite.

Hamasi paralajmëroi se do të fillonte ekzekutimin e pengjeve nëse Izraeli synonte njerëzit në Gaza pa paralajmërim.

Nënkoloneli Jonathan Conricus, një zëdhënës i Forcave të Mbrojtjes të Izraelit (IDF), i tha Erin Burnett të CNN se situata me pengjet është një “temë jashtëzakonisht e ndjeshme dhe komplekse”.

Megjithëse, Izraeli ka “disa përvoja” me situata pengjesh, Conricus tha se ata kurrë nuk janë marrë me një operacion si ky: “Jo në shtrirjen, jo në madhësinë dhe jo në kompleksitetin e vendit ku ndodhen pengjet tanë”.

LEXONI GJITHASHTU:

• Shtyhet ndeshja kualifikuese mes Kosovës dhe Izraelit
• 20 shtetas shqiptarë kthehen nga Izraeli, MEPJ: Fluturimi u organizua nga Greqia