Gjysmëhëna e Kuqe e Palestinës thirrje për ndihmë globale

Shoqata e Gjysmëhënës së Kuqe Palestineze (PRCS) i ka bërë thirrje botës që të ndihmojë në “parandalimin e një katastrofe humanitare” në Gaza, duke theksuar se nuk ka “zona të sigurta” për evakuimin e civilëve pasi Izraeli i tha gjysmës së popullsisë të emigronte në jug.

“PRCS u bën thirrje liderëve botërorë dhe komunitetit ndërkombëtar që të ndërhyjnë menjëherë për të parandaluar një katastrofë humanitare që po shpaloset tani”, thuhet në deklaratën e së premtes.

“Ne nuk kemi mjete për të evakuuar të sëmurët dhe të plagosurit në spitalet tona, apo të moshuarit dhe invalidët. Nuk ka zona të sigurta në të gjithë Rripin e Gazës.

PRCS e përshkroi urdhrin e evakuimit izraelit si “tronditës dhe të pabesueshëm”.

I gjithë populli në Gaza mendon se bota ua ka kthyer shpinën”, vazhdoi grupi.

PCRS u bëri thirrje organizatave ndërkombëtare të ndihmës në terren në Gazë, përfshirë Komitetin Ndërkombëtar të Kryqit të Kuq, që të ndërhyjnë me qeveritë për të “mbrojtur njerëzimin dhe hapësirën humanitare” dhe të bëjnë presion mbi “Izraelin që të anulojë këtë urdhër”.

LEXONI GJITHASHTU:

• Izraeli i paralajmëron 1.1 mln njerëz të largohen nga veriu i Gazës brenda 24 orëve
• Numri i të vdekurve nga sulmet e Hamasit në Izrael është rritur në 1300