Van Dijk ‘nderon’ Holandën, Belgjikë-Suedi ndërpritet nga atentati

Mbrëmjen e së hënës janë luajtur 7 përballje të vlefshme për fazën kualifikuese drejt Euro 2024, ku në total janë shënuar 18 gola. Austria ishte ekipi i radhës i cili siguroi biletën pasi mposhti minimalisht Azerbajxhanin e De Biasit, ndërsa mjaftoi goli i Sabitzer. Në të njëjtin grup u luajt dhe përballja Belgjikë-Suedi, e cila u ndërpre pas pjesës së parë për të mos vijuar më. Shkak u bë një atentat në rrugët e Burkselit, ku një person sulmoi me armë disa qytetarë duke marrë jetë njerëzish e lënë disa të plagosur.

Holanda mori një fitore me shumë vlera ndaj Greqisë në transfertë, ndërsa heroi i tulipanëve ishte Van Dijk. Në pjesën e parë, miqtë shpërdoruan dhe një 11 metërsh i ekzekutuar nga Ëeghorst. Irlanda fitoi ndaj Gjibraltarit, ndërsa të dyja skuadrat i kanë llogaritë të mbyllura, me zero shance për kualifikim.

Në grupin J, Portugalia mori fitoren e 8 radhazi, duke shkuar kështu në kuotën e 24 pikëve. Kundërshtari i radhës ishte Bosnia, në të cilën luzitanët triumfuan 0-5, ndërsa dy prej golave u shënuan nga CR7. Në të njëjtin grup u luajtën dhe 2 përballje të tjera, ku Sllovakia mposhti Luksemburgun, ndërsa Islanda Lihtenshtajnin. Kualifikueset do të vijojnë edhe këtë të martë me 7 sfida interesante.

LEXONI GJITHASHTU:

• Vrau dy tifozët në Belgjikë, policia qëllon autorin e dyshuar
• Sulmi terrorist në Belgjikë gjatë ndeshjes me Suedinë, tifozët ngujohen në stadium