SHBA jep 100 mln dollarë ndihmë humanitare për Gazën dhe Bregun Perëndimor

Shtetet e Bashkuara do të ofrojnë 100 milionë dollarë ndihmë humanitare për popullin e Gazës dhe Bregut Perëndimor “nëpërmjet partnerëve të besuar, përfshirë agjencitë e OKB-së dhe OJQ-të ndërkombëtare”, tha Shtëpia e Bardhë në një deklaratë të mërkurën.

“Civilët nuk janë fajtorë dhe nuk duhet të vuajnë për terrorizmin e tmerrshëm të Hamasit”, tha Shtëpia e Bardhë. “Jetët e civilëve duhet të mbrohen dhe ndihma duhet të arrijë urgjentisht tek ata në nevojë. Ne do të vazhdojmë të punojmë ngushtë me partnerët në rajon për të theksuar rëndësinë e respektimit të ligjit të luftës, mbështetjen e atyre që po përpiqen të arrijnë në siguri ose të ofrojnë ndihmë, dhe lehtësimin e aksesit në ushqim, ujë, kujdes mjekësor dhe strehim”.

Në komentet nga Tel Avivi të mërkurën, Biden paralajmëroi se ndihma ishte menduar për civilët palestinezë, jo për Hamasin.

“Izraeli ra dakord që ndihma humanitare mund të fillojë të lëvizë nga Egjipti në Gaza”, tha ai në Tel Aviv. “Më lejoni të jem i qartë – nëse Hamasi devijon ose vjedh ndihmën, ata do të kenë demonstruar edhe një herë se nuk kanë asnjë shqetësim për mirëqenien e popullit palestinez dhe do të përfundojë – si një çështje praktike, kjo do të ndalojë komunitetin ndërkombëtar nga duke qenë në gjendje për të ofruar këtë ndihmë”.