Situata e koronavirusit, Vasili akuza ndaj Ramës

Pas konferencës së kryeministrit Edi Rama për situatën e krijuar nga pandemia, Petrit Vasili reagoi duke thënë se kreu i qeverisë nuk ka dhënë asnjë përgjigje për pyetjet e shqiptarëve.

Në konferencën për shtyp nga selia e Lëvizjes Socialiste për Integrim, nënkryetari i LSI-së u shpreh se kryeministri Rama ka përgjegjësi penale për keqmenaxhim të pandemisë.

Sipas Vasilit, Shqipëria ka zero strategji dhe zero impenjim shtetëror, gjë që po ndikon drejtpërdrejt në rritjen e kurbës së infektimeve.

Ndër të tjera ai nuk la pa përmendur SPAK-un dhe thirrjen që ka për të në mënyrë që të nisë hetimet, pasi sipas tij vetëm në këtë mënyrë do të mund të kufizohet dëmi i madh që COVID-19 nën menaxhimin e Ramës, po i sjell vendit.

Në fund të konferencës Petrit Vasili tha se kishte besim se në 25 prill gjithçka do të ndryshonte dhe shqiptarët do të mund të merrnin vendimin e duhur duke mos i dhënë një mandat të tretë kryeministrit Rama.

Lexoni gjithashtu:

Rama: Në Shqipëri ka sinjale të arsyeshme për futjen e varianteve të reja të virusit

Tre dyshimet për mbërritjen e varianteve të reja të COVID-19 në vend