Rrëfehet grimieri i Kinostudios: Aktoret gra me mustaqe, të zakonshme në kohën tonë

Rakip Lamaj, grimieri i Kinostudios i cili ka punuar me dhjetëra aktorë të njohur shqiptarë për shumë filma që të gjithë i kujtojmë me nostalgji ka diskutuar me Flor Gjinin në “Real People” një detaj të asaj kohe që konsiderohej i zakonshëm, ndryshe nga sot. Bëhet fjalë për mustaqet te gratë.

Ai tregon se kur ka parë aktoren Pavlina Mani me mustaqe ka ngelur me gojë hapur.

“Kjo ishte një pjesë natyrale e asaj kohe që nuk binte në sy për keq sepse ishin të gjithë kështu mesa duket. E kemi të vështirë që shumë gjëra t’i kuptojmë edhe ne që kemi jetuar në atë kohë. Në atë kohë s’më ka rënë fare në sy, këtë gjykim e kam bërë tani. Për arsye se sot të gjitha gratë janë shumë të kuruara, ato bien shumë në sy,” – u shpreh ai.

Lamaj tregoi edhe cilin konsideron portretin më të bukur mes aktoreve shqiptare. Ai përmendi Rajmonda Bulkun si aktoren më të bukur, ndërsa renditi Tinka Kurtin, Roza Anagnostin e Eva Alikaj si figura të fuqishme.

LEXONI GJITHASHTU:

• “Mësonjëtorja filmi i jetës”, grimieri zbulon të pathënat e profesionit në komunizëm
• “Korrupsioni, sfidë për integrimin”, Tabaku: Dënoj kërcënimet ndaj gjyqtarëve