La Liga, skema e re e Zidane jep rezultat, Reali i Madridit merr përkohësisht vendin e dytë

Reali i Madridit u ngjit përkohësisht të martën në vendin e dytë të kampionatit spanjoll pasi fitoi 2-0 ndaj Getafes.

Për skuadrën e Zinedine Zidane, të dy golat erdhën në pjesën e dytë nga Karim Benzema dhe Ferland Mendy.

Kampionët në fuqi të La Ligas e nisën takimin me 9-të futbollistë kryesorë që mungonin për shkak lëndimesh dhe pezullimesh. Mungesat kryesore ishin: Eden hazard, Sergio Ramos, Federico Valverde, Toni Kroos dhe Alvaro Odriozola.

Për këtë Zidane kishte ndryshuar formacion me një reshtim 3-4-4, që dha rezultat.

Në fushë u panë lojtarë si Marvin Park, Sergio Arribas Calvo dhe Victor Chust Garcia, të cilët iu përgjigjën mirë besimit të Zidane.

Reali i ngjitet vendit të dytë në La Liga me 46 pikë, tre më shumë se Barcelona dhe pesë më pak se Atletico Madrid, që ka për të luajtur dy ndeshje.