Studentët e mjekësisë vijojnë protestat, futen brenda Rektoratit

Studentet e mjekësisë kanë vijuar protestat edhe këtë të premte, kundër ligjit që i detyron të shërbejnë 5 vjet në vend pas përfundimit të studimeve.

Ata janë futur në ambientet e Rektoratit, duke kërkuar përgjigje për kërkesat e tyre ndërsa kanë kërkuar edhe dorëheqjen e rektorit.

Që prej nisjes së vitit akademik, studentët e mjekësisë kanë refuzuar të futen në auditore për sa kohë nuk anulohet ligji.

Ky projekt-ligj detyron studentët e mjekësisë të cilët nisin këtë vit studimet, që të punojnë në Shqipëri për 5 vite pasi të përfundojnë universitetin.

Për studentët të cilët janë tashmë duke ndjekur këtë degë, vitet janë më të ulëta, 3 vite. Në rast se ata refuzojnë të nënshkruajnë këtë marrëveshje atyre do u duhet të paguajnë një tarifë më të lartë për të ndjekur këtë degë.

LEXONI GJITHASHTU:

• Studentët e vitit 1 të mjekësisë konfirmojnë bojkotin: Edhe ne kundra kontratës
• FOTO| Vijon protesta e studentëve të mjekësisë, Ministria goditet me vezë e letra