Prokurori i Përgjithshëm i SHBA: Janë rritur kërcënimet ndaj hebrenjve e myslimanëve

Ka pasur një “rritje të konsiderueshme” të kërcënimeve kundër hebrenjve, myslimanëve dhe arabo-amerikanëve javët e fundit, tha prokurori i përgjithshëm i Shteteve të Bashkuara, duke përsëritur angazhimin e Departamentit të Drejtësisë për të ndjekur penalisht autorët.

Prokurori i Përgjithshëm Merrick Garland tha të mërkurën në një forum për krimet e urrejtjes se në informimet e tij të përditshme, ai ka vënë re një rritje në “vëllimin dhe shpeshtësinë” e kërcënimeve kundër këtyre grupeve.

Prokurori i Përgjithshëm përmendi arrestimin e studentit të Universitetit Cornell, Patrick Dai, një 21-vjeçar i ri, për kërcënimet që ai dyshohet se postoi në një forum diskutimi në internet këtë fundjavë kundër studentëve hebrenj të universitetit.

LEXONI GJITHASHTU:

• Dumani dhe prokurorët e SPAK takime në Departamentin e Drejtësisë në SHBA
• Nga Evropa në SHBA, autoritetet japin alarmin: Shtohen krimet anti-semike