Përmbytjet në Itali/ Shkon në 5 numri i viktimave në Toskanë, reagon Meloni

Italia është goditur nga stuhia Ciaran, përmbytjet dhe erërat e forta kanë shkaktuar një gjendje alarmi në zonën e Toskanës. Deri më tani nga mediat italiane raportohet se janë shënuar 5 viktima dhe dy të zhdukur

Deri më tani ka pasur mbi një mijë ndërhyrje për shkak të motit të keq në Campi Bisenzio , Cerreto Guidi, Carmignano , Prato, Montemurlo, Quarrata, provincat e Pizës dhe Livornos. Këtë e ka bërë të ditur guvernatori toskan Eugenio Giani. Enel shpjegon gjithashtu se “ndërhyrjet janë duke u zhvilluar në rreth 40,000 përdorues ende pa energji elektrike, duke përfshirë edhe gjeneratorët”.

Në lidhje me spitalet e përmbytura, “problemet e aksesit në spitalin Pontedera janë zgjidhur dhe po zgjidhen në spitalin Borgo San Lorenzo dhe në dhomën e urgjencës Prato”.

Lidhur me situatën e rënduar në këtë zonë ka reaguar edhe kryeministrja e italisë Giorgia Meloni e cila i ka shprehur ngushëllimet familjarëve të viktimave.

“Kryeministrja Giorgia Meloni ndjek me shqetësim evolucionin e ngjarjeve katastrofike që kanë goditur veçanërisht Toskanën dhe shpreh ngushëllimet e saj të thella për viktimat, stafin e saj dhe qeverinë në tërësi. Presidenti Meloni mban kontakte të vazhdueshme me ministrin Nello Musumeci, me kreun e Mbrojtjes Civile Fabrizio Curcio, me presidentin e Rajonit Eugenio Giani dhe me autoritet kompetente”,-thuhet në një shënim nga Palazzo Chigi.

LEXONI GJITHASHTU:

• Gjuha shqipe, gjuhë zyrtare në Zvicër? Hebibi: Ndihem si në Kosovë, s’ka paragjykime
• Teologu Çako: Është mëkat të krijosh një hibrid njeri-kafshë