Teologu Çako: Është mëkat të krijosh një hibrid njeri-kafshë

Teologu Miron Çako, është shprehur se shkenca nuk duhet të kalojë jashtë normales dhe të shkojë deri te çështjet e krijuesit.

Në një intervistë për emisionin “Good Morning Albanians” në Euronews Albania, ai theksoi se është mëkat nëse prishet struktura e njeriut dhe njeriu bëhet hibrid, pra njeri-kafshë.

“Ne besojmë se krijesat janë krijuar në mënyrë të veçantë, jo thjesht një evolucion. Njeriu ka natyrë mishore, por trupi i njeriut është ndryshe nga kafshët. Nuk duhet të bëjmë modifikim gjenetik. Ne e përshëndesim shkencën e mjekësisë por jo sa të kalojmë deri sa të çështjet e krijuesit.

Problemi është se nëse zemra e njeriut do të përshtatet dhe do të funksionojë për të shpëtuar jetën e njeriut është ok, por sa do të funksionojë. Nuk duhet të bëjmë një miksim kafshë-njeri. Procesi i vdekjes është i pashmangshëm. Është mëkat nëse prishim strukturën e njeriut dhe bëjmë një njeri hibrid, njeri-kafshë”-tha ai.

LEXONI GJITHASHTU: 

• “8 mijë-20 mijë dollar i kushton shqiptarëve të ikin në Amerikë”-avokati amerikan
• Mjeku shqiptar: Zemra e derrit ngjan shumë me të njeriut