Dëmtohet linja elektrike në Elbasan, reshjet rrëzojnë inertet në rrugë

Moti i keq në 24 orët e fundit, i shoqëruar me stuhi dhe erëra të forta ka shkaktuar dëme në linjën elektrike disa zona të qarkut Elbasan.

Emergjencat Civile bëjnë me dije se  pa energji ka mbetur qyteti i Peqinit, Njësia Administrative Labinot Mal dhe Funare, në Bashkia Elbasan, Njësia Administrative Shales e Mollas në Bashkinë Cërrik, Njësia Administrative Orenje e Stebleve  në Bashkinë Librazhd dhe Njësia Administrative Porocan në bashkinë Gramsh.

Po punohet për rikthimin e energjisë elektrike, nga ekipet e OSHE-së.

Ndërkohë për shkak të intensitetit të lartë reshjeve akset rrugore Elbasan-Qafë Thane, Gramsh-Moglice, Elbasan-Gjinar, Librazhd-Sterbleve kane pasur rënie inertesh e guresh.

Disa akse rurale të bashkisë Librazhd dhe të bashkisë Gramsh e Cërrik kanë pasur inerte dhe depërtim të ujërave në rrugë.

Ekipet e emergjencave bëjnë me dije gjithashtu se prurjet e lumenjve e përrenjve janë në nivel mesatar.

LEXONI GJITHASHTU:

• Situata e motit të keq në Durrës, dëmet që janë shkaktuar nga stuhia
• Stuhia lë në errësirë dhjetëra fshatra në Juglindje