Mosrespektimi i masave anti-COVID-19 në zgjedhje, kryetarja e KQZ-së në Kosovë përgjigjet për Euronews Albania

Kryetarja e KQZ-së në Kosovë, Valdete Daka u shpreh për Euronews Albania se nuk mund të thotë me saktësi, nëse në gjatë procesit të votimit janë respektuar të gjitha masat anti-COVID.

“Ne nuk mund të themi që janë përfillur 100% masat anti-COVID, por gjithsesi ne si KQZ kemi kryer obligimin tonë. Të gjitha qendrat e votimit kanë pasur dezinfektues, maska rezervë dhe nuk janë lejuar qytetarët që të hyjnë pa maska në qendrat e votimit”, u shpreh zonja Daka, teksa u pyet nga gazetari Jeton Musliu për masat anti-COVID.

“Duhet të kuptojnë që sot ka qenë një ditë shumë e ftohtë dhe qytetarët nuk kanë mundur të presin në grupe të madha jashtë qendrave të votimit, por kanë hyrë brenda në qendrat e votimit”, u shpreh ajo më tej, teksa theksoi se shpreson që të mos ketë pasoja në situatën e koronavirusit pas kësaj dite.

Lexoni gjithashtu:

Mbyllet procesi i votimit në Kosovë, KQZ: Pjesëmarrja 46.98%

Exit Poll-et mbi zgjedhjet, Hajrullahu: VV-ja ka marrë vota nga partitë e tjera