Sherr me armë të ftohta mes adoleshentëve në Kukës

Një sherr mes adoleshentëve është regjistruar ditën e sotme në Kukës.

Policia bën me dije se disa shtetas të mitur po konfliktoheshin fizikisht me njëri-tjetrin, në rrugë, ndërsa policia ka mbërritur menjëherë në vendin e ngjarjes, për të parandaluar përshkallëzimin e konfliktit.

Gjatë kontrollit fizik, njërit prej tyre, shërbimet e Policisë i kanë gjetur dhe sekuestruar një dorezë metalike.

“Në përfundim të veprimeve procedurale të kryera me prezencën e prindërve, psikologut dhe mbrojtësit ligjor, u referuan materialet në Prokurori ku nisi procedimi në gjendje të lirë për 5 shtetasit e mitur të përfshirë në konflikt, të moshave 14-17 vjeç, për veprën penale “Dëmtime të tjera me dashje”-njofton policia.

Gjithashtu, për poseduesin e dorezës metalike, u referuan materialet procedurale edhe për veprën penale “Prodhimi, mbajtja, blerja apo shitja pa leje e armëve të ftohta”.

LEXONI GJITHASHTU: 

• Shtyu të miturën të vidhte banesën e gjyshes, procedohet i lirë 48-vjeçari
• Protestë përpara kopshtit ku u dhunua 3-vjeçarja, qytetarja: Duhen kamera!