Shtyu të miturën të vidhte banesën e gjyshes, procedohet i lirë 48-vjeçari

Një 48-vjeçar banues në fshatin Mollas në Elbasan do të procedohet i lirë pasi shtyu një të mitur 11-vjeçare që të vidhte shtëpinë e gjyshes së saj.

Sipas njoftimit të policisë, gjatë një muaji e mitura 11-vjeçarje e shtyrë nga 48-vjeçari L.D., dyshohet të ketë vjedhur rreth 800.000 lekë edhe 550 euro nga shtëpia e gjyshes.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Elbasan, për veprime të mëtejshme.

Njoftimi i policisë

Specialistët për Hetimin e Krimeve të Komisariatit të Policisë Cërrik referuan materialet në Prokurori ku nisi procedimi në gjendje të lirë për shtetasin L. D., 48 vjeç, banues në fshatin Mollas, për veprat penale “Shtytja e të miturit në krim” dhe “Moskallëzim i krimit”, si dhe për një shtetase 11 vjeçe, banues në fshatin Mollas, për veprën penale “Vjedhja”, pasi shtetasi L. D. dyshohet se ka nxitur 11-vjeçaren, për të vjedhur në banesën e gjyshes së saj. Nga veprimet hetimore dyshohet se kjo shtetase, gjatë një muaji, ka vjedhur rreth 800 000 lekë edhe 550 euro, në këtë banesë.

LEXONI GJITHASHTU:

• 21-vjeçari me profesion bari/ Jeta e të riut nga Maliqi që ruan delet
• GJKKO dënon me dy vite burg oficerin e policisë gjyqësore për korrupsion (EMRI)