Kapet duke vjedhur brenda banesës, arrestohet në flagrancë 19-vjeçari

Një 19-vjeçar është arrestuar nga policia e Gramshit, pasi u kap në flagrancë duke vjedhur në ambientet e një banese në fshatin Bresnik.

Gjatë kontrollit fizik, këtij shtetasi iu gjetën një orë floriri dhe 4 varëse që ai i kishte vjedhur në këtë banesë.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Elbasan, për veprime të mëtejshme.

“Specialistët për Hetimin e Krimeve të Komisariatit të Policisë Gramsh, menjëherë pas marrjes së njoftimit për një rast vjedhjeje në një banesë në fshatin Bresnik, kanë organizuar menjëherë punën dhe kanë shkuar në adresën e dhënë, me qëllim kapjen e autorit.

Si rezultat i ndërhyrjes së shpejtë të shërbimeve të Policisë, u kap në flagrancë brenda banesës, në fshatin Bresnik, shtetasi E. L. Gjatë kontrollit fizik, këtij shtetasi iu gjetën një orë floriri dhe 4 varëse që ai i kishte vjedhur në këtë banesë.

Në përfundim të veprimeve procedurale, u arrestua në flagrancë shtetasi E. L., 19 vjeç, banues në fshatin Bresnik, për veprën penale “Vjedhja”, thuhet në njoftimin e policisë.

LEXONI GJITHASHTU:

• “Jam e pamartuar, s’doja ta merrnin vesh”, flet nëna që braktisi foshnjën në bodrum
• Vdekja e foshnjës pas braktisjes në bodrum, arrestohet nëna 30-vjeçare