“Jam e pamartuar, s’doja ta merrnin vesh”, flet nëna që braktisi foshnjën në bodrum

Nëna e cila braktisi foshnjën e saj një ditë më parë ka deklaruar se arsyeja që e ka fshehur shtatzëninë dhe ka braktisur bebin ka qenë sepse nuk ka dashur që të merret vesh nga familjarët e saj, por edhe nga opinioni.

Egljanta Isufi, 30 vjeç është e pamartuar dhe nuk ka fëmijë të tjerë.

Ajo e la foshnjën në bodrumin e një pallati në Yzberisht ditën e mërkurë.

I porsalinduri është vënë re nga një zotëri në mënyrë të rastësishme, i cili ka dëgjuar të qarat e fëmijës teksa ishte duke pirë cigare.

Foshnja i përket gjinisë mashkull dhe u dërgua në spital në gjendje mjaft të rënduar dhe të dëmtuar. Aktualisht vijon të jetë i intubuar dhe sipas mjekëve gjendja vijon të jetë kritike.

LEXONI GJITHASHTU:

• Në gjendje të rëndë shëndetësore, Ministrja viziton foshnjen që u gjet në bodrum
• Ndalohet nga policia nëna që braktisi foshnjën në garazhin e pallatit